財務自由的決擇(一)

其實我一開始係計劃三宅一生嘅plan, 即係一層自主樓, 兩層出租樓嘅!

不過我三十幾歲, 而家一層樓都未有!

事實上, 作為一個讀書唔成嘅80後, 出泥做野梗係搵得唔多, 我可以話出泥做野嘅黃金十年白過左, 無儲款, 工作上無成績, 出糧唔多果只!

十年前識左我老婆, 發現多一個人嚴重唔夠錢洗, 於是決定轉行, 經d老死介紹, 入左而家間公司, 積極做野, 慢慢開始夠錢洗, 呢幾年仲淨到少少錢, 不過早幾年阿囡出世之後, 存款又增長得好慢, 搞到首期都未夠, 第一宅都未搞掂, 仲係租緊樓!

講左咁耐, 相信不少看官都明白, 香港地, 買一層樓都唔簡單, 更何況三宅一生呢!

咁所以要考慮其他plan, 於是問下保險sales有無d靚基金, 諗住供多一份退休用!

點解我成日胆心退休後唔夠洗呢? 因為我老婆無做野, 一份成積金點夠兩個人洗? 就算阿囡第時大個左, 唔通諗住佢攞兩三皮比我地做家用咩? 跟本唔mark sense, 都係靠自己啦!

明天再講保險sales果d基金