揀股方向(二)

(6)投資中國: 其實我非常睇好中國嘅經濟發展, 機會處處, 但危機四伏!

我近十年工作上接觸不少國內客戶, 係佢地身上見到中國發展的威力和實力, 而潛力仍有不少空間, 但係唔知買咩股票可以搭到呢條水.

係網上,好多淡友會話煤氣唔掂嫁, 而家d新樓都唔用煤氣之之類類, 其實, 都係亂吹大大力, 有睇過煤氣公司年報嘅就會明白, 佢地穩守(香港)突擊(中國), 香港業務護城河深, 達到穩守效果, 而近十幾年中國項目不斷增加, 由2004年至2017年, 純利增長由30幾億至而家80幾億一年, 呢d咪係堅囉, 咪聽d知d唔知d嘅淡友亂吹!

由於煤氣公司在國內的業務增長强勁, 投資煤氣等於投資到中國市場, 而且比d唔知乜頭乜路, 分分中有鬼嘅大陸股穩陣好多啦!

綜合以上因素及可計算和預期的合埋回報(前文提過某d所謂基金是不可預期的), 甚至比我當初預期嘅5厘效果更理想, 我決定學巴菲特其中一個point, 集中力度及長期持有優質股!

即係中華煤氣!

有懷疑嘅路人甲, 請自己分淅, 投資唔好信人, 呢個blog我係當成功日記比自己日後檢討之用!

我信!我會有1000萬!

我係屋邨仔, 但我敢開始追夢!