無啦啦, 我搞掂第一個一百萬

話說, 我同我老婆都唔係咩上等人, 中產人出身, 都係屋邨仔屋邨妹, 咁點搵我嘅第一個一百萬呢!

講左咁耐月供股票, 其實都未開始, 但係計劃左咁耐財務自由, 開始有d concept, 參考龔成講過, 做下小生意, 諗下其他野, 可能有其他可能性呢!

於是我咪胡思亂想囉, 又比我諗到d野!

我外母屋企仲住緊公屋, 可以買租置計劃果種, 而我外母一家都無係無乜錢果只, 仲未買間公屋, 每月交緊千幾蚊屋租, 於是我就胆粗粗問佢, 我可唔可以買佢間公屋, 佢以後咪唔洗交租, 我負責供, 第時佢百年歸老之後間屋係係我同我老婆個囉, 點知佢開心都泥唔切, 佢又制喎, 問左房署, 間屋賣60幾萬, 月供2千幾, 市價而家綠表都賣160-170萬, 即係我無啦啦資產多左1球, 搞掂! 第一個一百萬就咁到手! 供25年約十幾萬利息, 25年樓價升幅我相信唔少低過十幾萬呱, 穩贏無輸!

所以多謝龔成, 佢令我敢想像, 敢去做! 好像以前驚乜驚物乜都唔敢做!

一百萬達成!

向二百萬進發!

下回講返月供股票計劃