要發財, 先要學理財

話說, 讀過龔成本書, 80後的百萬富翁, 佢先講tune返啱個心態, 學返好理財等等, 做個錢搵錢利疊利嘅阿乘同我諗月供煤氣有異曲同工之妙, 講得太興奮, 差遠左!今日我想講理財!

我呢幾年嘅儲蓄上唔到去, 因為無planning, 所以d錢唔知去晒邊(其實係有閒錢就會食好d, 買好d, 去多幾次旅行之類), 所以唔落去唔掂, 所以要搞搞佢!

係龔成注作之中, 提到一點, 就係出糧後先抽起己經計劃嘅儲蓄部份, 咁剩返落泥嘅部份盡量就住洗, 咁一來就唔會洗大左, 二來有更有效達成目標!

過往我係用淨先儲, 所以懶晒野, 細過好窮, 而家有d閒錢就身痕亂洗錢. 而家tune返好正確理財方法, 雖然我諗住月供10000煤氣, 但係出糧就入起12000蚊落股息戶口, 儲多兩千, 迫出自己潛能, 突左果2000千如果順便嘅話, 一年後再開始第二只月供股票(2000蚊), 一箭兩鵰 , 由一個plan變成二個plan.

話說儲多左過2000其實無乜壓力, 不會唔迫自己儲多2000, 可能又無啦啦洗左去d無謂嘅地方! 例如買下波鞋, 玩具(手錶), 衫衫褲褲(其實多一件唔多, 少一件唔少), 無啦啦食餐A5和牛之之類類!

開始左儲12000計劃一個月, 發玩效果ok, 無洗大左!

話說上個月開始果陣, 諗住叫証劵行autopay迫自己一出糧就自動扣數供股, .點知佢又無講搞autopay要兩三個月先批, 要自己入兩個月錢落股票戶口, 我見到過左月供股票日期仲未有成交, 打去CS問先知, 所以技術性失誤, 月供股票(被)延迉至今個月才開始, 頂!