月供股票 (一) 平均法法側

經過上網收集不同的有關月供股票平均法的概念, 我好有信心好似我呢d炒股白痴都可以安心(投資股票), 唔係投機股票, 以下係總結比自己以後溫故知新用的資料:

假設(一), 月供股息的股價持年持平(不升不跌), 儲到嘅股票價值相當於儲現金一樣, 無升跌, 即係起碼唔會輸錢, 保本, 但輸通漲, 同儲cash一樣

假設(二), 用固定金額月供股息的股價呈波形狀態(其實好多股票都上上落落嫁啦), 其中上波時即股價越高, 所買得的股票數目越少, 而下波時即股價越低, 所買得的股票數目越多, 所以長年上上落落嘅股價會因固定月供女額而自動調整, 概念同强積金一樣, 係長期持有嘅情況下, 係會有錢賺, 唔信嘅朋友自己搵幾只公用股模擬下過去十年, 如果用月供股票嘅方法會係點, 我用excel模擬過3號仔, 月供10000, 2004供到2018, 就供到1000萬股息資產啦(近十年有10送1紅股再加股息).



ps 供股的股價和月供的金額需要在合適比例, 從而令到自動調節股數的效果得以發生, 如月供港交所$1000係唔make sense嘅!



假設(三), 用月供股票供一只跌死左嘅空売股, 咁就仆街啦, 即係跌左十幾年都唔郁果種呢, 其實果d股票嘅成交量係好少, 比你股左一大炸股票返泥都無用, 第時要放果陣都無人接, 死得, 咁即係話, 唔好揀d唔知乜頭乜路嘅股息, 逆向思為, 即係揀d最起碼你認識, 然後有(真實)嘅公司價值的股票, 好似大型地產股佢地有大把地, 煤氣中電地鐵果d硬件都係好值錢, 就算係120蚊果期買嘅匯豐, 只要你揸得夠耐, 碌左咁多年嘅股息係追得返咁滯(有人計過數嘅, 唔記得邊個).

所以, 我覺得排除假設(三), 月供股票係穩陣嘅, 保本(case1)之餘係會有增長嘅.

下回分享一d我模擬分淅, 留待日後重溫和檢討之用!

我信! 我會有1000萬!