揀股方向

可能會有人問我, 點解會揀3號仔泥做target, 其實係有幾點嘅,首先我上網搵到d初步有關d收息股嘅資料.

再從股神巴菲特講過而我又明白嘅point泥揀!

(1)低風險, 不過有d唔同嘅係, 佢會揀d低於真實計價嘅股泥買, 我渣, 唔識搵荀野買, 所以揀煤氣係因為香港獨市, 煤氣管道網絡之之類類起左就唔會拆, 果d都係真實的資產, 相對其他炒概念概股, 風險低好多.
先過第一關!

而煤氣公司係香港有過150年歷史, 香港有幾多間上市公司有咁耐歷史? 能抵禦150年嘅風雨嘅靱力, 相信煤氣公司嘅風險管理做得唔錯!

(2)護城河法則, 煤氣公司係香港做獨市, 無對手, 掂, 過埋第二關!

(3)認識產品, 股神都唔賣科技股, 我都唔懶醒, 蹅實d, 買d識嘅野好過, 煤氣係必需品, 天然氣係比d的士同小巴入果d, 都係容易理解, 經常接觸嘅野, 以前瀨野果d股都唔知佢做咩生意, 叻d乜强d物, 好似股神買可樂買M記都發達啦, 可必買d唔知乜東東延西蔥呢! 過埋第三關!

(4)認識管理層, 小弟有幸工作中會接觸到煤氣公司的高管, 令小弟相當佩服他們能力之餘(佢地錢搵錢嘅能力叻過好多人啦), 相信搭下佢地順風車實無死! 仲好過揀d唔識嘅, 或者揀錯d專門做呃小股東錢果d生意就pk啦.

(5)雪球效應, 煤氣近年(己經好多年)都有10送1紅利, 即係等於每年10厘息, 可能有d淡友話拆細股數的財技, 無實際收益, 咁麻煩閣下自己睇下往績先, 煤氣過往拆細之後都升返到原來股價, 追得返咪等於多左10%囉. 仲未計每年約2厘股息, 相當於12厘以上.